د یمن د بهرنیو چارو وزارت مرستیال او د انصارالله غورځنګ لوړپوړي غړي حسین العزی ویلي، که صنعا پرېکړه وکړي، چې د باب المندب تنګی وتړي، نو انسانان او پېریان به یې د پرانیستلو جوګه نشي.
هغه پر خپله ایکسپاڼه زیاته کړې: «د خدای په مرسته، که صنعاء پرېکړه وکړي چې د بابالمندب تنګی وتړي، نو ټول انسانان او پېریان به د هغې د بېرته پرانېستلو توان ونه لري؛ نو ځکه غوره ده چې ټرمپ او له هغه سره همکاره نړۍ سمدستي هغو ټولو اقداماتو او تګلارو ته د پای ټکی کېږدي، چې د سولې مخه نیسي، او زموږ د خلکو او امت حقونو ته دې لازم درناوی وکړي.»