د هېواد پخواني ولسمشر حامد کرزي د ملګرو ملتونو سرمنشي انتونیو ګوترش ته په یوه لیک کې، له هغه غوښتي چې پر افغانستان د پاکستان وروستي بریدونه، چې له امله یې ګڼو ملکي وګړو ته مرګژوبله اوښتې، وغندي.
ښاغلي کرزي په دې لیک کې ټینګار کړی، چې پاکستان له تېرو څه باندې څلور لسیزو راهیسې له ترهګرۍ په سیمه کې د نفوذ وسیلې په توګه استفاده کړې او له ګوترش یې غوښتي، چې د دا ډول بریدونو د تکرار او د افغانستان د ملي حاکمیت له نقض مخنیوی وکړي.