کابل؛ افاق خبري اژانس: سوریې له حوثیانو سره د مقابلې لپاره یمن ته د سرتېرو لېږلو راپورونه رد کړي، خو ویلي یې دي چې له سعودي عربستان سره دفاعي او پوځي همکاري پراخوي.
د رویټرز د راپور له مخې، د سوریې یوې ډیپلوماټیکې سرچینې د دغه هېواد رسمي خبري اژانس سانا ته ویلي، چې دمشق یمن ته د سرتېرو لېږلو پلان نهلري او له ریاض سره پوځي همکاري د سرتېرو پر روزنې، د پوځي ظرفیتونو لوړولو او د تجربو پر تبادلې متمرکزه ده.
سوریې په داسې حال کې دغه راپورونه رد کړي، چې دغه هېواد او سعودي عربستان ریاض ته د احمد الشرع د سفر پر مهال د دفاعي همکارۍ تړون لاسلیک کړ.
رویټرز تر دې وړاندې د سوریې د پوځي سرچینو او د امریکا د یو لوړ پوړي چارواکي په حواله راپور ورکړی و، چې د سوریې یو شمېر سرتېري سعودي عربستان ته د پوځي مشورې او روزنې لپاره لېږل شوي دي.
د سوریې د ډیپلوماټیکو سرچینو په وینا، د دغه هېواد او سعودي عربستان ترمنځ دفاعي همکارۍ ښايي په راتلونکي کې ګډ دفاعي تړون یا د مکې تړون کې د سوریې شاملېدو پورې وغځول شي.