کابل؛ افاق خبري اژانس: د اسلامي امارت د وسله والو ځواکونو لوی درستیز فصیح الدین فطرت وايي، هغه کسان چې د اسلامي امارت پر ضد جبهې جوړوي افغانان نه دي او د پاکستان له خوا تمویل او تجهیز کېږي.
نوموړي، د اسلامي امارت وسلهوال مخالفین د پاکستان له مالي او لوژستیکي ملاتړ څخه په ګټې اخیستنې تورن کړل.
هغه دا څرګندونې نن په کابل کې د عبدالله بن مسعود له محاربوي روزنیز مرکزه له ۱۰۰۰ څخه د زیاتو منسوبینو په فراغت غونډه کې کړې دي.
د یادونې وړ ده چې په دې وروستیو د اسلامي امارت او پاکستان ترمنځ اړیکې ترینګلې شوې او د پاکستان پوځ وخت نا وخت پر افغان خاوره هوايي بریدونه کوي.