کابل؛ افاق خبري اژانس: د بهرنیو چارو وزیر امیرخان متقي په مشرۍ د اسلامي امارت یو لوړ پوړی پلاوی د اقتصادي همکاریو سازمان (ایکو) په ۱۸مه سرمشریزه کې د ګډون لپاره ایران ته سفر کوي.
د بهرنیو چارو وزارت د اطلاعاتو او عامه اړیکو رییس ضیاء احمد تکل ویلي، دغه سرمشریزه به د روان میلادي کال د ډسمبر میاشتې په درېیمه او څلورمه نېټه د ایران په پلازمېنه تهران کې د ایکو سازمان د غړو هېوادونو د مشرانو او لوړ پوړو چارواکو په ګډون جوړه شي.
دا په داسې حال کې ده چې تر دې وړاندې د پاکستان بهرنیو چارو وزارت ویاند ادعا کړې وه چې د ایکو سازمان په سکرتریت کې د افغانستان غړیتوب ځنډېدلی. اسلام اباد هم د دغه سازمان د وزیرانو شورا 30مې غونډې ته د اسلامي امارت استازی نه و بللی.
