کابل؛ خبرگزاری آفاق: سفیر تاجیکستان در دیدار با رئیس عمومی اتاق تجارت و سرمایهگذاری افغانستان اعلام کرده است که کشورش برنامه دارد بهمنظور فراهمسازی زمینه دادوستد و تعاملات اقتصادی میان بازرگانان و سرمایهگذاران دو کشور، یک بازار مشترک در امتداد مرز ایجاد کند.
سعدی شریفی، سفیر جمهوری تاجیکستان در کابل، در این دیدار گفته است که رهبری کشورش علاقهمند است روابط تجارتی و اقتصادی میان افغانستان و تاجیکستان بیش از پیش گسترش یابد و زمینه فعالیتهای مشترک میان بازرگانان و سرمایهگذاران دو کشور فراهم شود.
به گفته او، اتاق تجارت تاجیکستان نیز علاقهمند به برقراری رفتوآمدهای منظم و گسترش همکاریهای تجارتی با اتاق تجارت و سرمایهگذاری افغانستان است.
سفیر تاجیکستان و رئیس عمومی اتاق تجارت و سرمایهگذاری افغانستان در این دیدار درباره گسترش روابط تجارتی و اقتصادی، افزایش همکاریهای دوجانبه و فراهمسازی فرصتهای تازه برای بازرگانان و سرمایهگذاران دو کشور گفتگو کردند.
علاقهمندی تاجیکستان به ایجاد بازار مشترک با افغانستان

- لینک کوتاه: https://afaaq.af/?p=35002
- منتشر شده در