د افغانستان د بدني روزنې او سپورت عمومي ریاست وایي، چې د نښې ویشتلو ملي فدراسیون درې کسیزه ډله، د دې سیالیو په آسیایي تمریناتي کمپ کې د ګډون په موخه د قطر پلازمېنې دوحې ته ورسېدل.
دغه ریاست په یوه خبرپاڼه کې زیاتوي، چې په دې ډله کې یو ورزشکار، یو روزونکی او یو بل کس شامل دي.
تمه ده د نښې ویشتلو دا تمریناتي کمپ د روان زېږدیز کال د جنورۍ له ۲۴مې تر ۳۱مې نېټې پورې، د ۱۶ هېوادونو د لوبغاړو، روزونکو او د نښې ویشتلو د مسوولینو په ګډون سره پیل شي.