وروسته له هغه چې اسلامي امارت امریکایي بندي ډینس کویل آزاد کړ، په ګوانتانامو کې د یو تن افغان زنداني محمد رحیم زوی، ابراهیم وایي چې کورنۍ یې د متحده ایالتونو حکومت ته د خپل پلار د خوشي کېدو لیک استولی دی.
د هغه په وینا، دوی دا لیک زلمي خلیلزاد ته سپارلی او پکې له امریکایي چارواکو غوښتنه شوې، چې د دوی پلار چې په ۲۰۰۷ کال کې د پاکستان په لاهور کې تر نیول کېدو وروسته، ګوانتانامو ته لېږدول شوی او له ۱۹ کلونو راهیسې په دې زندان کې دی، راخوشي کړي.