د برېټانیا د ملي مسکن ګوند د ایران د توغندیو د واټن او اروپا ته د رسېدو د امکان په اړه د وروستیو راپورونو او بحثونو په غبرګون کې ویلي، چې دا موضوع غیرعادي نه ده؛ ځکه روسیه، چین او شمالي کوریا هم له ورته وړتیاوو برخمن دي.
د دغه ګوند پر ایکسپاڼه راغلي، چې د داسې ځواک لرل د جګړې یا برید مانا نه لري، بلکې د هېوادونو د دفاعي وړتیاوو او بریدونو مخنیوي ښکارندویي کوي.
دغه ګوند ټینګار کړی چې د توغندیو وړتیا تر ډېره د یرغل وسیله نه، بلکې د جګړې د مخنیوي او د ملي امنیت د ساتنې لپاره کارول کېږي؛ او په همدې چوکاټ کې ایران هم د نورو هېوادونو په څېر حق لري چې له خپل دفاعي ځواک څخه برخمن وي.