د پخواني حکومت پر مهال د ننګرهار والي ضیاءالحق امرخېل پر پکتیکا او ننګرهار د پاکستاني پوځ بریدونو ته په غبرګون کې ویلي، چې دا ډول کړنې د پاکستان پر وړاندې د افغانانو کرکه زیاته او ترمنځ یې یووالی لا ټینګوي.
امرخېل پر خپله ایکسپاڼه لیکلي، چې د پاکستان دولت د حماس د بې وسلې کولو پروژه اخېستې او په خپل کور کې د پورونو، امنیت، خلکو ته د خدمتونو وړاندې کولو او نورو برخو کې ناکامه شوی دی او د هرې ورځې په تېرېدو سره، خلک ترې واټن نیسي.
د ننګرهار پخواني والي زیاته کړې، چې دغه رژیم اوس غواړي، په دغه ډول نه بخښوونکو کړنو سره خپله ناکامي پټه کړي.