آفاق خبري آژانس؛ کابل: د امریکا ملي ګارډ پر ځواکونو د یوه افغان له ډزو او د ترهګرۍ په تور د یوه بل افغان له نیولو وروسته، په دوحه کې د اسلامي امارت سرپرست سفیر سهیل شاهین ویلي، ممکن یو شمیر استخباراتي سازمانونه هڅه کوي، چې سپینې ماڼۍ ته نیږدې د برید پیښه د افغانستان په غاړه واچوي او باور یې تر پوښتنې لاندې راولي. شاهین هغې پوښتنې ته په ځواب کې، چې د دې پیښې پر بریدګر د آیاسآی د احتمالي اغیز په اړه و، وویل، چې د بهرنیو استخباراتي شبکو د ښکیلیتیا امکان نه شي ردیدای.
سهیل شاهین د دا ډول سناریوګانو په اړه زیاته کړې: «زه هېڅ امکان له پامه نه غورځوم، خو تر هغه وخته پورې په بشپړ باور نه شو ویلای، څو چې د څېړنو وروستۍ پایله تر لاسه شي. زموږ سیاست روښانه دی، موږ اجازه نه ورکوو چې څوک د افغانستان له خاوري د بهرنیو بریدونو لپاره استفاده وکړي.»
په همدې حال، د سیاسي چارو یو شمیر شنونکي په دې باور دي، چې امریکا د هغه سرتیري له لوري چې خپله یې تربیه کړی دی زیان ګوري او د واشنګټن پیښه له افغانانو سره هیڅ ډول اړیکه نه لري. له بل لوري د نړیوالو چارو یو شمېر شنونکي د دې پیښې واقعیت ته د شک په سترګه ګوري او وايي چې ددې پیښې سره هممهاله د پاکستان او مریکا اړیکې د ښه کیدو سره، د اسلامآباد لخوا د افغانستان پر ضد رواني عملیاتو سره بې اړیکې نه ده.
د نړیوالو چارو شنونکی ویس ناصری آفاق خبري آژانس سره په دې اړه زیاتوي: «امریکا خود یک دولت جنایتکار است و نیروهایی که تربیت کرده، امروز به جان خودش آسیب رساندهاند. حادثه واشنگتن و حمله آقای لکنوال هیچ ارتباطی با مردم افغانستان و افغانهای خارج از کشور ندارد. متأسفانه دونالد ترامپ، که هم خود را نجاتدهنده معرفی میکند و هم فاشیست است، سیاستمداری است که به هیچ قانونی پایبند نیست. او قوانین اساسی امریکا، منشور سازمان ملل و اعلامیه جهانی حقوق بشر را نقض کرده و این حادثه را به عنوان ابزاری سیاسی استفاده میکند.»
«امریکا خپله یو جنایتکاره دولت دی او هغه ځواکونه یې چې روزلي، نن یې خپل ځان ته زیان رسولی دی. د واشنګټن پېښه او د ښاغلي لکنوال برید د افغانستان خلکو او هغو افغانانو سره چې له هېواده بهر دي هېڅ اړیکه نلري. بدبختانه ډونالډ ټرمپ، چې ځان ژغورونکی بولي او هم فاشیست دی، یو سیاستوال دی، چې هېڅ قانون ته درناوی نه لري. هغه د امریکا اساسي قوانین، د ملګرو ملتونو منشور او د بشر د حقوقو نړیواله اعلامیه مات کړی او دا پېښه د سیاسي وسیلې په توګه کاروي».
د نړیوالو چارو بل شنونکی ولي فروزان بیا په دې اړه وایي: «ډونالډ ټرمپ وویل موږ بګرام غواړو. که اسلامي امارت ونه شي کولی دا ورکړي، په افغانستان کې به ډېر بدې پېښې وشي. دقیقاً یوه اونۍ وروسته، د یوه هېواد لوی درستیز لومړی ځل د دوه ساعتونو لپاره د امریکا د ولسمشر سره ګوري او دا د ترکيې د ولسمشر اردوغان په حضور کې ډېرې پوښتنې راپورته کوي. نهه ورځې وروسته، پاکستان په افغانستان هوایي بریدونه وکړل، دا ټول موارد د پوښتنې وړ دي.»
سپینې ماڼۍ ته نږدې له ډزو وروسته، چې د امریکا ملي ګارد د یو سرتیرې د وژل کېدو او د یوه بل د سخت ټپي کیدو لامل شو او بریدګر یې افغان رحمانالله لکڼوال معرفي شو، د متحده ایالاتو بهرنیو چارو وزارت په یوه اعلامیه کې افغان پاسپورټ لرونکو ته د ویزو ورکړه په بشپړ ډول درولي. دې پریکړې د افغان کډولو او په امریکا کې زرګونه مېشت افغانانو منځ کې اندیښنې زیاتې کړي چې په دریمو هېوادونو کې د خپلو کډوالۍ دوسیو څیړنې او نوي میشتیدنې لپاره په تمه دي.